Oda Strøm
Allir føroyingar hava eina hugsan um ríkisrættarligu støðu føroyinga í danska ríkinum, og nú hevur ein nýggjur áhugi fyri hesum spurningi eisini tikið seg upp millum danir.
Hvussu verður samstarvið millum Føroyar og Danmark í framtíðini? Hvørjar ætlanir hevur Danmark við Føroyum? Eru útlit fyri einum nýggjum samstarvi millum londini? Hvat fer at henda í viðurskiftunum millum londini, um Føroyar gerast sjálvstøðugar?
Martin Breum er útbúgvin tíðindamaður og var í mong ár vertur í sendingini Deadline á DR2, og nú kemur kendi sjónvarpsverturin til Føroya at hava framløgu um framtíðar viðurskiftini millum Føroyar og Danmark.
Fyrireikarirnir siga, at við sær hevur hann eisini nýggju bókina "Hvis Grønland river sig løs – en rejse i kongerigets sprækker", har danskir politikarar og leiðandi embætisfólk bróta tøgnina og siga sína hugsan um Føroyar og Grønland í danska ríkinum.
Høgni Reistrup skipar fyri tiltakinum í Auluni í Finsen, og eftir framløguna fer Høgni Reistrup at seta Martin Breum spurningar.
Tað er í Auluni í Finsen, at fyrilesturin við Martin Breum verður mánakvøldið 27. august kl.19.
Vinarliga broyt tínar kennifíla - og privatlívsstillingar fyri at síggja hetta innihald