Maður dømdur fyri brot á upphavsrættin

Fríggjadagin varð kunngjørt, at ein maður í 40unum er dømdur fýra mánaðar treytaða fongsulsrevsing fyri at hava brotið upphavsrættin. Eisini skal hann gera 100 tímar av samfelagstænastu, og Kriminalforsorgin skal hava eftirlit við manninum í eitt ár.

Maðurin, ið hevði fyritøkuna Fjarvarp, hevði tí tíðarskeiðnum 2015-2016 veitt leiðbeining til, hvussu fólk kundu keypa vardar sjónvarpssendingar uttan at hava fingið loyvi til tað frá teimum, sum eiga rættindini.

Sambært Kringvarpinum er hald eisini lagt á góðar 170.000 krónur, sum hann hevði forvunnið.