Lítil grind lagt beinini í Klaksvík

Fyrrapartin hevur ársins fyrsta grind lagt beinini í Klaksvík.

Grindin varð sædd út fyri Trøllanes um klokkan hálvgum átta í morgun, og stutt eftir klokkan tíggju hevði hon lagt beinini í Klaksvík.

Drápið gekk væl og tók um 15 minuttir.

Talan var um eina lítla grind. Jens Jensen, sýslumaður í Norðoya sýslu veit ikki at siga, hvat endaliga talið var, men fyrr í morgun varð mett, at talan var um einar 30 hvalir.

Enn veit hann ikki at siga, nær seðlarnir koma út.