Listi A fekk allar tríggjar í Hovi

Seinast vóru fimm fólk vald inn í kommunustýrið í Hovs kommunu. Nú er fólkatalið í kommununi minkað so mikið, at tað hesaferð bert skulu veljast trý fólk í bygdaráðið.

Tveir listar stillaðu upp, men Listi A fór við øllum. Øll tey trý fólkini á listanum vórðu vald í bygdaráðið.

Delmar Tausen, sum fyrr hevur verið borgarstjóri í Hovi, gjørdist toppskorari við 28 atkvøðum, Bergljót Ludvig fekk 16 og Jón Midjord 19.