Lena Anderssen á Summar Festivalin

Lena Anderssen verður at hoyra á Summar Festivalinum í Klaksvík í august.

Tað boða fyriskiparar av festivalinum frá í tíðindaskrivi.

– Lena Anderssen hevur nakað upp á hjartað í sínum sangum, og hon torir at seta nakað persónligt upp á spæl, tá ið hon skrivar tekstir. Saman við manninum Niclasi Johannesen ger hon sangir, sum hann stendur fyri at framleiða, og meistarliga samstarvið hevur givið okkum fleiri poppútgávur á altjóða stigi – bæði tá ið tað kemur til sangskriving og framleiðslu, skriva fyriskiparar m.a.

– Lena Anderssen er nú farin at geva sangir út á føroyskum máli, og sangirnir hava verið sera væl móttiknir.

Summar Festivalinum verður hildin í døgunum frá 6. til 8. august.