Lekar seinkaðu aftur arbeiðinum í Sandoyartunlinum í farnu viku

Nú eru í alt 1.142 metrar boraðir í Sandoyartunlinum. Bæði í Traðardali á Sandoynni og á Gomlurætt hevur arbeiðið í farnu viku verið merkt av, at lekar skuldu tettast.

Í Traðardali vóru 45 metrar boraðir, og har eru nú boraðir 818 metrar. Á Gomlurætt vóru 35 metrar boraðir í farnu viku, og har eru nú 324 boraðir.

Sandoyartunnilin verður tilsamans 10.785 metrar langur, og eftir ætlan verður koyrandi í 2023.