Kvinna handtikin í USA fyri at verða russiskur agentur

Ein 29 ára gomul russisk kvinna er handtikin í USA og verður ákærd fyri at verða agentur hjá russisku stjórnini.

Uppgávan hjá Maria Butina var, sambært amerikanska løgmálaráðnum, at fáa samband við amerikanksar borgarar og koma inn í politiskar bólkar.

Sambært løgmálaráðnum varð hon í einum vápnabólki, sum verður stuðlaður av National Rifle Association (NRA).

Sambært ákæranum arbeiddi kvinnan frá 2015-2017 fyri ein russiskan embætismann, sum seinni gjørdist ein ein týðandi persónur í russiska tjóðbankanum, skrivar TV2.

Kvinnan kann nú verða dømd upp í fimm ára fongsulsrevsing fyri njósning.