Koronutilburður á Klaksvíkar Sjúkrahúsi

Eitt av starvsfólkunum, ið koppsetti á Klaksvíkar Sjúkrahúsi í gjár, hevur fingið staðfest koronusmittu. 

Viðkomandi hevur verið fyri kortum verið uttanlands og er sjálvur koppsettur fyri koronu. 

Hetta váttar Súsanna Olsen, varastjóri á Klaksvíkar Sjúkrahúsi, fyri Portalinum.

Les eisini: Níggju nýggir tilburðir staðfestir í gjár

Súsanna Olsen sigur, at persónurin ikki koppsetti leingi, og av tí at tað tekur so mikið stutt at koppseta, umframt tað at viðkomandi hevur fingið bæði prikini, so er vandin fyri smittu lítil.

Fyri at binda um heilan fingur hevur Klaksvíkar Sjúkrahús tó sent boð út til øll, sum í gjár vóru til koronukoppseting har. Tey hava fingið áheitan um at lata seg kanna fyri koronu sum skjótast og aftur um nakrar dagar. 

Koppsetingarnar vórðu framdar á einari hædd, har einki annað virksemi er í løtuni.

Hetta er ikki frysta dømi um, at ein persónur, ið er koppsettur, fær staðfest koronusmittu við PCR-kanning. Ymsar kanningar vísa, at í flestu slíkum førum er smittan mildari, og tað eru lítil sannlíkindi fyri víðari smittu.