Koronatølini almenn á middegi framyvir

Framyvir verða koronatølini dagførd um middagsleitið og ikki um morgunin, sum tey hava verið higartil, skrivar Heilsumálaráðið á heimasíðuna.

Hetta merkir, at samlaðu hagtølini yvir smittu, frísk, sóttarhald, kanningar, innløgd og deyð verða dagførd á heimasíðuni hjá Heilsumálaráðnum og www.corona.fo um middagsleitið.

Næstu ferð nýggj koronatøl verða almannakunngjørd, verður sostatt í morgin um middagsleitið.