Kjølur hevði eitt avlop á 4,7 mió.kr., sum er besta árið hjá fyritøkuni higartil.
Fyritøkan Kjølur í Klaksvík var stovnað í 2007, at byrja við sum heildarveitri til línuflotan og skip annars. Síðani er fyritøkan ment við øðrum vørum og tnastum til at kallað alla vinnu í Føroyum umframt til almennar og privatar kundar.
Bruttovinningurin hjá Kjølur í 2021 var 10,4 mió.kr. sammanborið við 9,7 mio.kr. í 2020.
Rakstrarúrslitið áðrenn avskrivingar, eisini nevnt ebidta, øktist úr 5,6 mió.kr. í 2020 til 6,2 mió.kr. í 2021, sum var ein vøkstur á 11 prosent.
Ársúrslitið eftir skatt gjørdist í 2021 eitt avlop á 4,7 mió.kr. sammett við 3,9 mió.kr. í 2020. Vøksturin í úrslitinum var 19 prosent.
Fíggjarstøðan hjá felagnum javnvigaði við 17,4 mió.kr. í 2021 sum er at kallað óbroytt í mun til 2020 tá javnin var 17,1 mió.kr.
Ognarsíðan vísur av støðsogn er minkað úr 3,8 mió.kr. í 2020 til 1,6 mió.kr. í 2021.
Ogn í umferð er hinvegin økt úr 13,3 mió.kr. í 2020 til 15,8 mió.kr. í 2021.
Eginpeningurin hjá Kjølur er øktur úr 10,4 mió.kr. í 2020 til 12,6 mió.kr. í 2021.
Trygdarevnið hjá felagnum í 2021 er 72 prosent, sum má metast at vera sera gott.
Felagið hevur onga langfreistaða skuld.
Stuttfreista skuldin er fallin úr 6,8 mió.kr. í 2020 til 4,8 mió.kr. í 2021.
Aðalfundurin hjá Kjølur Sp/f hevur samtykt at luta 3 mió.kr. í vinningsbýti út til eigararnar.
Stjóri í felagnum er Hans Arni Bjarnason Thomsen. Nevndarformaður er Jákup A. Mikkelsen.
Eigarar av felagnum er Finna Sp/f og B&E Sp/f.
Greiningin er gjørd av Birgir Nielsen frá Ráðgevarafyritøkuni Nira Sp/f. www.nira.fo
Vinarliga broyt tínar kennifíla - og privatlívsstillingar fyri at síggja hetta innihald