Nes kommuna søkti fyrr í ár eftir nýggjum leiðara til Tofta Kvøldskúla, av tí ar Áki Dyssegaard, segði seg úr starvi.
Heimasíðan hjá Nes kommunu skrivar í dag, at tað komu tríggjar umsóknir til leiðarastarvið, og at tað á bygdaráðsfundi tann 2. mai 2022 varð avgjørt at seta 41-ára gamla Johnleif Gerðisá av Nesi í starvið.
- Johnleif Gerðisá er námsfrøðingur, umframt at hann hevur lokið svimjilæraraprógv, venjaraútbúgving, dómaraprógv hjá DBU, hægri handilsútbúgving á Kambsdali og útbúgving í telduflokki á Kambsdali. Harumframt hevur Jónleif drúgvar starvsroyndir innan barna- og ungdómsarbeið. Hann hevur verið bæði leiðari í ungdómshúsi, venjari og samskipari innan ítrótt.
Johnleif Gerðisá tekur við starvinum tann 1. august.
Vinarliga broyt tínar kennifíla - og privatlívsstillingar fyri at síggja hetta innihald