Jóansøkan sett í kvøld

Í dag verður jóansøkan á Tvøroyri sett.

Byrjað verður við, at ítróttafeløgini í kommununi savnast í Nýggja Skúlagarði og ganga skrúðgongu vestur til jóansøkutorgið í miðbýnum, har Tvøroyrar Hornorkestur, undir leiðslu av Tróndi Enni, tekur ímóti.

Johan Joensen, fyrrverandi lærari og stjóri í Tvøroyrar Skúla, setur jónasøkuna klokkan 19, skriva fyriskiparar.

Eftir setanina fer Hornorkestrið aftur at spæla, áðrenn pisufundurin hjá pisunum úr Miðnámsskúlanum í Suðuroynni verður klokkan 19.30. Í ár verður tað Dávid Lisberg úr Sumba, sum heldur pisurøðuna. Eftir pisufundin fara Lív og Tróndur at framføra nøkur løg.

Skráin fyri jóansøkuna 2021 sæst her.