Joakim prinsur útskrivaður

Í gjárkvøldið varð Joakim prinsur útskrivaður frá universitetssjúkrahúsinum í franska býnum Toulouse.

Tað var 24. juli, at prinsurin varð innlagdur. Somu nátt varð hann skurðviðgjørdur fyri blóðtøpp í heilanum. Skurðviðgerðin eydnaðist væl, og verður ikki mett, at hann fær varandi mein.

Nú meta læknarnir, at heilsan hjá Joakim prinsi er batnað so mikið, at hann kann útskrivast, sigur kongshúsið í tíðindaskrivi.

Prinsurin er nú staddur á Château de Cayx, franska vínslottinum hjá drotningini. 

51 ára gamli Joakim prinsur býr í løtuni í Fraklandi við familju sínari. Hann er í løtuni undir útbúgving á franska hernaðarakademinum Ecolé Militaire.