Janus fleiri atkvøður frá hyggjarunum enn vinnarin

SABA við lagnum "Sand" stóð eftir sum vinnari av danska melodi grand prixnum í gjárkvøldið.

Men var tað fult og heilt upp til hyggjararnar, var tað ikki hon, sum vann. Bæði Basim og Janus Wiberg fingu nevniliga fleiri sonevnd hyggjarastig í finaluumfarinum enn vinnaralagið. Um bert hyggjarastigini taldu, vann Basim við lagnum "Johnny", og Janus Wiberg hevði blivið nummar tvey.

Les eisini: Eitt óvæntað triðja pláss

(Mynd: Lasse Lagoni / DR)

(Mynd: Lasse Lagoni / DR)

Orsøkin til, at Saba vann, vóru stigini frá dómsnevndini, sum í ár var skipað við 20 donskum og altjóða Grand Prix-fjepparum.

Stigini frá hyggjarum og stigini frá dómsnevndini taldu helvt um helvt.

Soleiðis vóru stigini deild

1. SABA – 'Sand' 37 stig (15 hyggjarastig, 22 dómsnevndarstig)

2. Basim – 'Johnny' 34 stig (19 hyggjarastig, 15 dómsnevndarstig)

3. Janus Wiberg – 'I Need Your Love' 29 stig (16 hyggjarastig, 13 dómsnevndarstig)

SABA vann Melodi Grand Prix, og skal umboða Danmark í Eurovision Song Contest í Malmø í mai (Mynd: Lasse Lagoni / DR)