Alda Nielsdóttir
Iran hevur í morgun frá álopum á amerikonsk mál, m.a. amerikanskar herstøðir, í Jordan, Barein, Kuvait og Oman sum aftursvar fyri amerikonsk álop í gjárkvøldið og í nátt.
– Hevndarálopini halda fram, skrivar iranska kollveltingarverjan sambært Ritzau.
Les eisini: USA aftur lopið á Iran í nátt
Eisini boðar Iran frá einum átaki, sum hevði til endamáls at steðga tveimum skipum í Hormuzsundinum sunnukvøldið. Skipini fylgdu ikki iranskar reglur um sigling í økinum, verður sagt.
Tað eru iransk álop á skipaferðslu í sundinum, sum amerikanarar hava brúkt sum grundgeving fyri álop teirra á Iran seinastu vikuna.
Kríggið millum USA og Iran byrjaði 28. februar, tá USA og Ísrael framdu álop á Iran við tí grundgeving, at mann ynskti at forða Iran í at menna kjarnorkuvápn.
Miðskeiðis í juni skrivaðu USA og Iran undir eina rammuavtalu, sum skuldi slóða fyri varandi friði, men síðan hetta hava bæði Iran og USA boðað frá brotum á vápnahvíldina.
Amerikanski forsetin, Donald Trump segði í vikuni, at hann ikki longur helt avtaluna frá juni vera galdandi.
Iranska uttanríkismálaráðið skrivar, at avtalan millum USA og Iran er í einari "kreppustøðu", eftir at partarnir aftur eru farnir at leypa á hvønnannan.
Iranska uttanríkismálaráðið sigur, at Iran ikki fer at halda sín part av avtaluni, so leingi sum USA ikki ger tað.
Vinarliga broyt tínar kennifíla - og privatlívsstillingar fyri at síggja hetta innihald