Høvdu fótin heldur tungt á spitaranum

Løgreglan gjørdi um middagsleitið í gjár ferðmátingar Yviri við Strond í Havn, og tað var ikki uttan at úrslit.

Tað vóru nevniliga seks bilførarar, sum høvdu fótin heldur tungt á spitaranum. Fimm teirra fingu bót og ein bilførari fekk klipp í koyrikortið.

Annars hevur verið friðarligt hjá ordansmaktini seinasta samdøgrið. Onkrar fráboðanir hava verið um, at seyður, hundur og ross hava gingið leys, men annars hevur verið friðarligt.