Herverk á gravimaskinu fyri aðru ferð upp á eina viku

Fyri aðru ferð upp á eina viku, hava ótangar gjørt herverk á eina gravimaskinu á Argjum. Fyrra fráboðanin kom fríggjadagin tá ein rútur var brotin. 

Í gjár var aftur boðað frá herverki, og tá var enn ein rútur brotin á gravimaskinuni.

Løgreglan veit ikki hvørjir gerningsmenninir eru, men stendur ikki púra á berum. Á staðnum vóru lutir latnir eftir, og teir verða kannaðir fyri dna.