Koppsetingarætlanin í Føroyum heldur, og tað fer at ganga skjótari, nú yvir 18.000 skamtir av koppingarevni komu til landið í gjár. Talan er skamtir av Pfizer-BioNTech, ið Danmark hevur keypt frá Rumenia, ið kortini ikki skuldi brúka tær, tí har er mótsstøðan móti covid-19 koppsetingum so mikið hørð.
Les eisini: Metnógvir skamtir til landið í dag
Í gjár vórðu 951 fólk koppsett fyri koronu í Føroyum.
Beint undir 500 fólk fingu fyrra prikið, og nú hava 30.899 fólk fingið fyrru koppsetingina. Øll hava væntandi fingið í boði fyrstu koppsetingina áðrenn ólavsøku, sambært dagførda kalendaranum.
454 fólk fingu tað seinna, og tað merkir, at 20.993 fólk eru liðugt koppsett fyri korona. Tað er tó framvegis ein møguleiki fyri, at summi skulu hava eitt triðja prik. Hetta hevur júst verið frammi i grannalondunum.
Tilsamans eru 51.892 koppsetingar gjørdar í Føroyum. Fleiri tíðir eru nú tøkar á corona.fo.
Les eisini: Kronutilburðir á Klaksvikar Sjúkrahúsi
Vinarliga broyt tínar kennifíla - og privatlívsstillingar fyri at síggja hetta innihald