Hálvt ár í fongsul fyri at hótta løgregluna við øks

30 mai, Kristi himmalsferðardag varð J. C. Svabosgøta varð stongd í tveir ímar, frá Landsbókasavninum til Málingarhandlin. Hetta var orsakað av, at ein maður av álvara gjørdi um seg. Løgreglan varð boðsend áleið klokkan 09, tá húsaófriður var í  J. C. Svabosgøta, og tað tók tveir tímar, til maðurin varð handtikin. Í hesum sambandi hótti 50-ára gamli maðurin løgregluna við øks.

Fyri hesa hendingina hevur maðurin nú fingið seks mánaða treytaleysa fongsulsrevsing. Hetta skrivar Kringvarpið á heimasíðu síðani. Maðurin hevur verið varðhaldsfongslaður síðani 30.mai, og Føroya rættur gjørdi av, at hann skal sita dómin alt fyri eitt, so hann sleppur ikki út nú.

Maðurin noktar seg tó sekan. Sambært kvf.fo umhugsar hann, um dómurin skal skjótast inn fyri Eystara Landsrætt.