Gevst eftir 41 ár sum vaskifólk hjá Nes kommunu

Eftir at hava verið í starvi sum vaskifólk hjá Nes kommunu í 41 ár, meginpartin av tíðini í skúlanum, hevur Elinborg Højgaard valt at gevast, nú hon um stutta tíð fer at runda tey sjeyti.

Fráfaringarsamkoma var í skúlanum í gjár, har Súni í Hjøllum, borgarstjóri, vegna Nes kommunu, takkaði henni fyri trúgva og drúgva tænastu, ynskti henni alt tað besta og framhaldandi blíðan byr á lívsleiðini, skrivar kommunan á heimasíðuni.