Genta skotin á bensinstøð nærindis Stockholm

Ein svensk genta varð í nátt skotin á eini bensinstøð sunnanfyri Stockholm. Tað upplýsir svenska løgreglan sambært Ritzau.

Talan er um eina gentu, sum er 12 ella 13 ár.

Løgreglan fekk boð um skotljóð í nátt nærindis bensinstøðina í býnum Botkyrka, og tá løgreglan kom á staðið, varð gentan funnin við skotsárum.

Gentan varð koyrd á sjúkrahús, har hon andaðist av sínum løstum.

Økið kring bensinstøðina er nú avbyrgt, og er løgreglan í ferð við at kanna málið.

Enn er eingin handtikin.