2021-05-20 07:11
Veðurlag og burðardygd eru á skránni í Íslandi í dag, tá ið arktiska ráðið hittist í Reykjavík. Bárður á Steig Nielsen, løgmaður, verður við á fundinum, har øll londini í Arktis eru umboðað.
Arktiska ráðið fer at skriva undir eina yvirlýsing og eina strategiska ætlan, sum ráðið hevur arbeitt við seinastu tvey árini. Hesi snúgva seg í høvuðsheitum um umhvørvisavbjóðingar og burðardygga búskaparliga menning, skrivar Løgmansskrivstovan.
Eftir fundin í arktiska ráðnum fer løgmaður eisini á fund við íslendska uttanríkisráðharran, Guðlaug Þór Þórarson.
Vinarliga broyt tínar kennifíla - og privatlívsstillingar fyri at síggja hetta innihald