Fráráfaringarløta fyri Terja Johannesen

Fráfaringarsamkoman var hildin seinnapartin í gjár á Torginum í skúlanum, har familja og starvsfelagar vóru komin saman.

Borgarstjórin, Jógvan Kruse, takkaði fyri trúgva tænastu og handaði Terja eina gávu og blómutyssi.

Leiðarin fyri tónlistaskúlan, Oddur Hentze, og skúlastjórin, Jens Pauli G. Nolsøe, søgdu eisini nøkur orð. Eftir tað bjóðaði kommunan ein drekkamunn.

Fitt av fólki vóru møtt til fráfaringarløtuna fyri Terja, nú hann fer frá fyri aldur 

Terji byrjaði í starvinum sum skúlavørður í Skúlanum við Streymin, tá nevndur Felagsskúlin á Oyararbakka, í 2003. Hann hevur sostatt starvast í skúlanum í 19 ár, nú hann gevst fyri aldur.

Sunda kommuna takkar Terja fyri góða og drúgva tænastu og ynskir honum blíðan byr.

Sunda kommuna