Uttanlands

Forsetin koppsettur við AstraZeneca

Guðni Th. Jóhannesson fekk fyrsta prikið í dag

2021-05-06 15:11 Author image
Ingi Samuelsen
placeholder

48 ára gamli forsetin í Íslandi, Guðni Thorlacius Jóhannesson, var í morgun ein túr í Laugardalshøllini í Reykjavík til kippsetingar móti covid-19.

Og tað var koppsetingarevnið AstraZeneca, sum var í sproytuni.

Hetta koppsetingarevnið verður brúkt í Íslandi, hóast heilsumyndugleikarnir í fleiri evropeiskum londum, teirra millum Danmark, mæla frá at brúka tað, tí ein vandi er fyri at heilivágurin kann elva til hjartatrupulleikar.

Forsetin hevur sjálvur lagt myndir út á Facebook av hendingini í dag.

Eins og biðið var um, kom forsetin til koppsetingarstaðið í t-troyggju. Hann hevði valt eina hvíta undirtroyggju við tekning hjá Hugleik Dagsson á bringuni. Talan er um fittu tekningina av manninum, sum rópar “hu” – rópið, ið gjørdist kent um allan heimin, tá íslendingar spældu HM fótbólt í 2018.

Eftir ætlan verða 40.000 fólk koppsett í Íslandi hesa vikuna – tað er størsta talið higartil.

Í morgun fékk ég bóluefnið AstraZeneca gegn Covid-19. Ég varð þess heiðurs aðnjótandi að hitta fyrst starfslið í...

Posted by Forseti Íslands on Thursday, May 6, 2021
placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder