Mentan

Føroyavinur nýggjur X Factor dómari

Simon Kvamm verður dómari saman við Thomas Blachman og Kwamie Liv

Simon Kvamm á Voxbotn fyrr í summar (Mynd: Jens Kr. Vang)

Simon Kvamm á Voxbotn fyrr í summar (Mynd: Jens Kr. Vang)

2022-08-10 12:14 Author image
Sverri Egholm
placeholder

Simon Kvamm fer at sita við dómaraborðið saman við Thomas Blachman og Kwamie Liv í X Factor.

Hann fer at sita í stólinum, sum Martin Jensen seinastu tvey árini hevur sitið í. Hesum boðar TV2 frá í dag.

[object Object]Simon Kvamm, Kwamie Liv og Thomas Blachman (Mynd: TV2)

Simon Kvamm kom veruliga fram sum tónleikari í 2004 við bólkinum Nephew, og hevur eisini gjørt undirhald við “Drengene fra Angora”.

Simon Kvamm hevur røtur úr Føroyum og seinastu árini vitjað nógv í Føroyum. Á konsertum hevur hann ofta sagt “Abbi mín var gøtumaður”. So seint sum í summar var hann á Voxbotn við bólkinum Hugorm.

[object Object](Mynd: Jens Kr. Vang)

Síðani X Factor byrjaði í Danmark hava nógvir føroyingar luttikið. Linda Andrews vann tónleikakappingina í 2009, og síðani hava fleiri føroyingar verið nær við. Í fjør vóru ikki færri enn tveir føroyskir luttakarar, og báðir vóru í finaluni. Kári Fossdalsá av Toftum fekk eitt annaðpláss og Tina Mellemgaard bleiv nummar trý.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder