Í morgin, mikudagin 1. juni 2022, eru júst 40 ár liðin, síðan Føroya Pedagogfelag varð stovnað á Verkstaðnum Vón á Argjum.
Í hesum sambandi verður serstakt hátíðarhald í Perluni í Tórsgøtu í morgin, har millum annað bókaframløga er á skránni. Hesum boðar Pedagogfelagið frá.
Tað er Uni Arge, journalistur, ið hevur skrivað bók um felagssøguna hjá Føroya Pedagogfelag.
Uni Arge hevur skrivað bók um felagssøguna og leggur fram í morgin (Mynd: Sverri Egholm)
Bókin verður løgd fram á tiltakinum, sum verður frá klokkan 17 til klokkan 19. Jógvan Philbrow, formaður, bjóðar vælkomin, og høvundurin greiðir frá arbeiðinum við bókini.
Tónleikaligu innsløgunum stendur Guðrun Sólja Jacobsen fyri, og okkurt ábit verður, skrivar Føroya Pedagogfelag
Vinarliga broyt tínar kennifíla - og privatlívsstillingar fyri at síggja hetta innihald