- Fólkaskúlin er grundin undir vælferðarsamfelagnum. Tað halda vit undirritaðu, sum hósdagin 1. desembur kl. 15.15 - 17.00 skipa fyri valfundi um fólkaskúlan í auluni á Námsvísindadeildini, har almenningurin og umboð fyri allar politisku flokkarnar eru boðin við.
Hetta skrivar Føroya Lærarafelag í skrivi um valfundin, sum verður seinnapartin í morgin.
Felagið, ið er næstelsta fakfelag í landinum, metir, at skúli, útbúgving og vitan eru týdningarmikil evni at taka fram í valstríðnum. Tískil verður skipað fyri fundinum; so at kjak um fólkaskúlan, og tey viðurskifti hann virkar undir, eisini verður
- Vit geva valevnum ein pall til júst at seta fólkaskúlan á skrá. Ongir tunlar, loysing ella samband, bara fólkaskúlin.
Ætlanin er millum annað at spyrja, um fólkaskúli en vorðin eitt prosjekt hjá seráhugamálum í dagsins samfelag, ella um skúlin er trygdin fyri dannilsi, fólkaræði, samhaldsfesti og samfelagsmenning í komandi tíðum.
Valevni, umboðandi allar flokkarnar, ið stilla upp vera at hoyra í aulini á Námsvísindadeildini frá hósdegnum 1. desembur klokkan 15.15.
Birgir Kruse verður orðstýrari í morgin, og tiltakið verður stroymt.
Vinarliga broyt tínar kennifíla - og privatlívsstillingar fyri at síggja hetta innihald