Fleiri bátar brúk fyri hjálp í gjár

Í gjár fekk MRCC boð frá trimum bátum um, at teir høvdu brúk fyri hjálp.

Fyrsta fráboðanin kom tíðliga um morgunin. Talan var um ein bát, sum var uppsteðgaður norður úr Eiðiskolli, og ynskti hann at fáa sleip til lands. Rescue Vón sleipaði hann til Eiðis.

Seinnapartin komu tvær fráboðanir. Tann fyrsta kom frá einum báti, sum var uppsteðgaður í Nólsoyarfirði, og varð báturin hjá Brimli, Nósi sendur at sleipa hann til Havnar.

Seinasta fráboðanin kom úr Norðhavinum frá einum báti, sum hevði trupulleikar við róðrinum, men seinni varð hjálparveitingin tó avlýst, skrivar heimasíðan hjá Vørn.