Fimtan ár síðan Smyril kom til landið

Javnan finnast fólk at ferðaætlanini á Smyrli tí hon ikki verður hildin ella at Smyril skal í dokk. Tað er í dag, 15. oktober 2020, fimtan ár síðani at strandfaraskipið Smyril fyri fyrstu ferð legði at á Krambatanga.

Hetta skrivar Suðuroyarportalurin í dag.

Smyril varð bygdur í Spania og tað var Knud E. Hansen í Danmark, sum teknaði og projekteraði Smyril.

Strandfaraskipið fór í sigling um Suðuroyarfjørð tann 1. november 2005.

Leingi hevur verið tosað um ein tunnil millum Suðuroynna og meginøkið, og ein slíkur tunnil er eisini á langtíðaríløguætlanini hjá landsstýrinum.

Tá Eysturoyartunnilin og Sandoyartunnilin eru lidnir, er ætlanin at seta 100 milliónir krónur til Suðuroyartunnilin.