Fimm klipp í Norðoyatunlinum

Í nátt var løgreglan úti og kannaði ferðsluna í norðurøkinum, og úrslitið bleiv, at fimm bilførarar vórðu skrivaðir fyri at koyra ov skjótt í Norðoyatunlinum.

Mest loyvda ferðin er 80 kilometrar um tíman, men ferðin hjá hesum bilførarunum varð máld til millum 104 og 111 kilometrar um tíman, og tað fáa teir klipp í koyrikortið fyri, upplýsir vaktleiðarin á løgreglustøðini í Havn.

Í Havn steðgaði løgreglan eisini einum bili, har tað vísti seg, at førarin var ávirkaður. Hann bleiv handtikin, blóðroynd varð tikin, og er hann nú skuldsettur fyri rúsdrekkakoyring.