Ferðsluavmarkingar í Vágsbotni

Í sambandi við fyrireiking til tiltakið Voxbotn, sum verður leygardagin 25. juni, verður ferðslan í Vágsbotni í Havn avmarkað komandi dagarnar.

Ferðslan verður avmarkað frá klokkan 12 í dag, hósdagin til klokkan 12 leygardagin, skrivar Tórshavnar kommuna.

Í hesum tíðarskeiðnum er eingin koyring frá Bøgøtu, Vágsbotni og Mylnugøtu niðan á Vaglið, og frá Tórsgøtu og Bryggjubakka er ferðslan einvegis niðan eftir Mylnugøtu.