Fara undir ábøtur á veganetið við Myllutjørn

Á býráðsfundi hósdagin fer Tórshavnar býráð at viðgera eitt uppskot at fara undir fleiri ábøtur við Myllutjørn í Hoyvík.

Ábøturnar umfata asfaltering, gøtur, vegamerking, ferðslutrygd og liðugtgerð av skráum.

– Eigarafelagið við Myllutjørn hevur víst á fleiri manglar og hevur gjørt ein lista yvir ítøkilig mál. Øll hesi mál kunnu ikki loysast í ár, men farast kann undir nøkur av arbeiðunum, skrivar Tórshavnar kommuna.

Fíggjarnevndin hevur játtað 600.000 krónur til dagføringar.