Eyka jólakonsert við Magna Christiansen

Magni Christiansen og frálíki countrybólkur hansara, hava aftur í ár country jólakonsert á Reinsarínum í Havn.

Á konsertrini fara tey at framføra bæði jólaløg og countryløg, nøkur løg verða eisini av nýggjast útgávuni hjá Magna.

Fyrra konsertin verður sunnukvøldið 1. desember, og er langt síðani útseld. Tí verður ein eyka konsert mánakvøldið 2. desember.

Konsertin er í tveimum pørtum og stuttur steðgur í millum, har til ber at fáa ein kaffimun og okkurt gott afturvið.