Elisabeth Johansen nýggjur fíggjarleiðari í Vágs kommunu

1. mars byrjar Elisabeth Johansen sum fíggjarleiðari í Vágs kommunu.

Kommunan søkti í november eftir nýggjum fíggjarleiðara, og tá umsóknarfreistin var farin, vóru fýra umsóknir til starvið, skrivar Vágs kommuna.

Elisabeth er 34 ára gomul og útbúgvin cand.merc.aud. frá CBS. Hon kemur úr starvi sum grannskoðari hjá Menta. Elisabeth er búsitandi í Havn, men flytir til Vágs í sambandi við nýggja starvið.

Starvið er tíðaravmarkað til 31. desember 2028.