Eingin fingið staðfest covid-19 í fimm dagar

Sambært nýggjastu tølunum hjá Landslæknanum varð heldur eingin staðfestur positivur fyri covid-19 í gjár, og sostatt hevur eingin fingið staðfest smittuna í Føroyum í fimm dagar.

Støðan er enn tann, at 652 persónar hava fingið staðfest covid-19 í Føroyum, og at 644 teirra eru staðfest frísk aftur. Ein persónur er deyður. Sostatt eru enn sjey persónar, sum eru positivir í løtuni. Ein persónur er innlagdur.

Í gjár vórðu 229 kanningar gjørdar, og allar kanningarnar eru liðugt greinaðar. Tilsamans eru 218.636 kanningar gjørdar í Føroyum.

Í løtuni eru 20 persónar í sóttarhaldi.

Les eisini: Bretska frábrigdið staðfest í Føroyum