Ein springari norðarlaga í Hetlandsrennuni

40 dagar eru nú farnir síðani springararnir vórðu merktir í Fuglafirði 10. juni, og sambært Havstovuni er tann eini springarin nú farin norðureftir í hellingini, eystaru megin Hetlandsrennuna, og er hann nú komin norður á 63 breiddarstig, norð ímóti Norskahavinum.

Hin springarin hevur ligið støðufastur á 62 breiddarstigum, 160 fjórðingar vestan fyri Føroyar.

Sendarin á hesum springaranum sløknaði tíverri fyri nøkrum døgum síðani, skrivar Havstovan.