Ein persónur staðfestur positivur í gjár

Aftaná seks dagar, har eingin varð staðfestur positivur, varð ein persónur staðfestur positivur fyri covid-19 í gjár, upplýsir Landslæknin.

Talan er um ein persón, sum er komin til Føroya úr útlondum. Viðkomandi er avbyrgdur, og Landslæknin er í gongd við smittusporingina.

Sostatt hava nú 498 persónar fingið staðfest covid-19 í Føroyum.

Talið á teimum, sum eru positiv í løtuni, er tó ikki broytt, tí seinasta samdøgrið er ein persónur afturat staðfestur frískur. Tí eru framvegis tríggir persónar positivir í løtuni.

Í gjár vórðu 380 kanningar gjørdar, og allar kanningarnar eru liðugt greinaðar. Tilsamans eru 161.301 kanningar gjørdar í Føroyum.

Eingin er í løtuni innlagdur á Sjúkrahúsverki Føroya í sambandi við covid-19, og sjey eru í sóttarhaldi.