Uttanlands

Carla Sands stóri taparin á undanvali

Fyrrverandi sendikvinnan í Danmark verður ikki republikanskt valevni á valinum í Pennsylvania

Carla Sands á vitjan í Føroyum. Her saman við Boga Jacobsen, stjóra á Varðanum og Niels Winther, nú stjóri í Vinnuhúsinuk (Savnsmynd)

Carla Sands á vitjan í Føroyum. Her saman við Boga Jacobsen, stjóra á Varðanum og Niels Winther, nú stjóri í Vinnuhúsinuk (Savnsmynd)

2022-05-18 07:29 Author image
Ingi Samuelsen
placeholder

Fyrrverandi amerikanska sendikvinnan til Danmarkar, Carla Sands, má ásanna, at hon hevur tapt undanvalið í statinum Pennsylvania.

Carla Sands var millum valevnini til at verða vald í senatið fyri republikanararnar á miðvalinum seinni í ár.

Tá 99 prosent av atkvøðunum vórðu taldar, havði Carla Sands fingið 5,7 prosent av atkvøðunum, skrivar Ritzau frá amerikanska tíðindamiðlinum NPR.

Harvið er langt upp til kappingarneytarnar, republikansku flokksfelagarnar Dave McCormick, Mehmet Oz og Kathy Barnette, ið standa til at hava fingið ávikavist 31,4, 31,2 og 24,4 prosent av atkvøðunum.

 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder