2018-08-30 07:36
Oda Strøm
Oda Strøm
Tvær tær størstu kommunurnar í landinum hava báðar býráðsfundir í kvøld.
Tórshavnar býráð hevur fund klokkan 18 í kvøld, og á skránni eru 19 mál.
Umframt býartorgið í Steinatúni og ferðsluljósini við Glasir, er eitt nú er søla av seinasta grundstykkinum í Kaldbak, ein mentorskipan fyri 13-17 ára gomul í Havn og út- og umbyggingin av gamla Tjarnargarði.
Býráðsfundurin er almennur og kann stroymast á heimasíðuni hjá Tórshavnar kommunu. Tú finnur leinki til fundarskrá og stroyming her.
Klaksvíkar býráð hevur eisini fund í kvøld, og fundurin byrjar kl. 17.30. Fýra mál eru til viðgerðar, og skráin fyri fundin sæst her.
Regluligu fundirnir hjá Klaksvíkar býráði eru almennir, og teir kunnu stroymast beinleiðis á heimasíðuni www.klaksvik.fo.
Vinarliga broyt tínar kennifíla - og privatlívsstillingar fyri at síggja hetta innihald