Ingi Samuelsen
Komandi dagarnar verða tveir øðrvísi arbeiðsdagar hjá borgarstjóranum í Eiðis kommunu, Rógva Egilstoft.
Borgarstjórin hevur spurt um arbeiði í Korndalsgarði. Hann sleppur at royna seg í vøggustovu í dag og í barnagarðsstovu í morgin.
- Endamálið er at fáa betri innlit í tað góða arbeiðið, sum verður gjørt í Korndalsgarði. Sum borgarstjóri havi eg til tíðir følt, at sjálvt um eg haldi, at eg havi nakað av vitan um økið, so kundi vitanin verið betri. Eg eri sera spentur upp á hesar báðar dagarnar, sum eg vænti verða góðir og læruríkir”, sigur Rógvi Egilstoft, ið tók við sum borgarstjóri eftir kommunuvalið í november 2020.
Ætlanin hjá borgarstjóranum er at koma runt til onnur arbeiðsøkir í kommununi eisini. Í komandi viku skal hann royna seg innan eldrarøkt, tá hann fer í røktarheimið Korndalsbýlið at arbeiða, skrivar heimasíðan hjá Eiðis kommunu.
Vinarliga broyt tínar kennifíla - og privatlívsstillingar fyri at síggja hetta innihald