Bilur fór útav og á rull

Eitt ferðsluóhapp var í Eysturoynni beint eftir klokkan 4 í nátt.

Løgreglan sigur, at tað var ein kvinna, sum koyrdi einsamøll í bili, sum fór av vegnum. Bilurin hevði ikki nógva ferð, men fór á rull.

Kvinnan megnaði sjálv at koma úr bilinum og boðaði frá óhappinum. Sjúkrabilur varð sendur á staðið og kvinna varð koyrd á landssjúkrahúsið til kanningar.