Í gjárkvøldið var 2. og 3. uppstillingarfundur hjá Norðoya Tjóðveldisfelag í Finastøðini í Klaksvík.
Norðoya Tjóðveldisfelag skrivar í tíðindaskrivi, at eini 50 fólk møttu upp, at hýrurin var góður, og nógv tóku orðið.
Fyribils eru Óluva Klettskarð, Eirikur í Jákupsstovu, Anfinn í Toft og Christian Guttorm Mathisen uppstillaði hjá Tjóðveldisfelagnum í Norðoyggjum. Tað er bert Óluva, ið áður hevur stillað upp. Hon hevur eisini sitið á tingi og var eitt heilt stutt skifti landstýrisfólk. Óluva Klettskarð fekk 185 atkvøður til seinasta løgtingsval men kom ikki inn.
Eirikur í Jákupsstovu, Óluva Klettskarð, Anfinn í Toft. Christian Guttorm Mathisen, ið er til skips, vantar á myndini (Mynd: Norðoya Tjóðveldisfelag)
Les eisini: Eirikur í Jákupsstovu stillar upp fyri E
Hetta kann benda á, at tað framvegis verður roynt at fáa Beintu Løwe at stilla upp aftur. Løgtingskvinnan fekk 301 atkvøðu á valinum í 2019 og varð fimtvald á listanum, tá hon á fyrsta sinni stillaði upp.
Beinta Løwe er heldur ikki uppstillað í Suðurstreymi, har hon býr, og Kringvarpið skrivar, at hon sum skilst ikki stillar upp, men at tað er eitt ynski hjá flokkinum, at fáa Beintu Løwe á listan. Hon hevur ikki ynskt at givið nakra viðmerking til støðuna, skriva bæði Kringvarpið og in.fo.
Les eisini: Fleiri nýggj nøvn á Tjóðveldislistan
Vinarliga broyt tínar kennifíla - og privatlívsstillingar fyri at síggja hetta innihald