Bátur steðgaði upp út fyri Mjóvanesi

Ein bátur fekk í gjár trupulleikar, tá hann var farin eftir havhestum. Á veg heimaftur av veiðu, fekk báturin motortrupulleikar og steðgaði upp.

Báturin ringdi eftir hjálp og MRCC sendi Rescue Lív eftir bátinum.

- Tað var ein smábátur, sum steðgaði upp og hevði tørv á hjálp. Rescue Lív varð sendur avstað at sleipa bátin væl og tað gekk alt sum tað skuldi, verður sagt av MRCC støðini.

Báturin lá út fyri Mjóvanesi og var sleipaður á Argir.