Jan Müller
Síðani 2010 hevur føroyska alifyritøkan Bakkafrost verið skrásett á keypsskálanum í Oslo. Sum skrásett felag á keypsskálanum kunnu partabrøvini keypast og seljast hvønn dag. Tað eru fleiri túsund eigarar í Bakkafrost.
Størsti eigari í Bakkafrost er Norski Folketrygdfonden, sum eigur sløk 10% av felagnum. Onnur, sum eiga meira enn 5 prosent av felagnum, eru millum annað Regin Jacobsen, stjóri á Bakkafrost, sum eigur 7,8% og Oddvør Jacobsen, sum eisini eigur 7,8%.
Tað er aðalfundurin, sum er hægsti myndugleikin í felagnum. Aðalfundurin skal millum annað taka støðu til vinningsbýtið, sum í ár er 216 mió. krónur, og síðani val av nevnd og nevndarformanni.
Nevndarformaður á Bakkafrost er Rúni M. Hansen. Hann hevur verið nevndarformaður síðani 2009.
Vinarliga broyt tínar kennifíla - og privatlívsstillingar fyri at síggja hetta innihald