Jørgen Niclasen, landsstýrismaður í fíggjarmálum, hevur sent løgtinginum uppskot um at hækka útreiðslurnar til Talgildu Føroyar verkætlanina.
Útreiðslurnar verða hækkaðar úr 145 milliónum krónum, og upp í 153 milliónir krónur.
Tá er allur kostnaðurin fyri verkætlanina, sum kommunur og partafeløg eisini rinda, taldur við. Útreiðslurnar hjá landsstýrismanninum fara úr 85 milliónum og upp í 93 milliónir krónur.
Pengarnir skulu brúkast at eina virkisskrá, gera nýggja heildarætlan fyri Talgildu Føroyar og menna fleiri tænastur á Vanganum.
10.879 føroyingar brúka Samleikan, sum er innritanin av Talgildu Føroyar-verkætlanini, sum fór av bakkastokki 27. oktober í fjør.
Vinarliga broyt tínar kennifíla - og privatlívsstillingar fyri at síggja hetta innihald