Atlantic Fair letur upp í morgin

Klokkan 10 í morgin letur vinnustevnan Atlantic Fair á tíggjunda sinni dyrnar upp fyri almenninginum. 191 fyritøkur úr 17 londum eru umboðaðar.

Klokkan 10.30 verður sjálv setanin, har Karl Johansen, borgarstjóri í Klaksvíkar kommunu, bjóðar vælkomin, og Bárður á Steig Nielsen, løgmaður, síðani setur messuna.

Messan hevur opið týsdagin og mikudagin frá klokkan 10 til 17, og hósdagin frá klokkan 10 til 16.

Tilsamans nýggju fyrilestrar verða eisini hesar tríggjar dagarnar. Eitt nú í morgin eru tað Jákup Bech Jensen, Rógvi Olavson, og Johnny í Grótinum, sum saman við Katrine Zacho og Majbritt Skov hava fyrilestrar.

Yvirlit yvir allir fyrilestrarnir eru at finna á heimasíðuni hjá Atlantic Fair www.fair.fo.