Arbeiðisloysið í februar var 1,2 prosent

Í januar fór talið av arbeiðsleysum í Føroyum uppum eitt prosent aftur, eftir at tað hevði verið niðanfyri eitt síðani september í fjør.

Í februar fór talið 0,1 prosentstig upp í mun til januar - 1,2 prosent var tað í februrar. Ávirkanin av koronavirusinum á arbeiðsmarknaðinum fer at byrja at síggjast, tá mars verður gjørdur upp.

Í februar vóru 360 skrásett sum fulltíðararbeiðsleys. Tað er talið av teimum, sum eru rakt av arbeiðsloysi, umroknað til fulltíðararbeiðsloysi. Til dømis telja tveir persónar, sum hava verið arbeiðsleysir í ein hálvan mánað hvør, sum ein fulltíðararbeiðsleysur persónur, skrivar Hagstiva Føroyar.

Sambært tølunum hjá ALS fáa 408 fólk arbeiðsloysisstuðul. Tað talið er gjørt upp í dag.

Arbeiðsloysi í Suðuroynni var størst í februar - 3,8 prosent av arbeiðsfjøldini var arbeiðsleys. 1,4 prosent av kvinnum vóru arbeiðsleyasr og 1,1 prosent av monnum.

Í februar í 2019 var 1,3 prosent av arbeiðsfjøldini arbeiðsleys.

Sí meira á heimasíðuni hjá Hagstovuni