Annemi L. Joensen forkvinna í Eldraráðnum í Tórshavnar kommunu

Eldraráðið, sum varð valt í Tórshavnar kommunu fyri jól, hevur nú skipað seg.

Annemi L. Joensen er forkvinna, og Leivur Hansen er næstformaður. Bergljót av Skarði er skrivari, Marjun Poulsen er kassameistari, og Jóan Carl Dam er nevndarlimur.

Varalimir eru Marin Rasmussen, Lissi Hansen og Did Nicolajsen.

Høvuðsuppgávan hjá Eldraráðnum er at geva politikarum góð ráð og syrgja fyri, at atlit verða tikin fyri eldri borgarum, tá avgerðir verða tiknar.

Tilsamans 5.656 fólk høvdu valrætt til eldraráðsvalið, sum endaði 15. desember. Vallutøkan var 49,4%.

Tórshavnar kommuna