Andstøðan í Simbabvi góðtekur ikki valúrslitið

Í vikuni var fyrsta val í Simbabvi aftaná at Mugabe var trýstur frá valdinum eftir 30 ár sum forseti. Fyri valið segðist, at tað var tætt ímillum sitandi forseta Mnangagwa og andstøðuleiðaran, ið nevnist Chamisa. Eftir valið var greitt, at flokkurin hjá sitandi forsetanum hevði vunnið flest sæti í tinginum, men tað tók fleiri dagar áðrenn úrslitið av forsetavalinum varð kunngjørt. 

Seint í gjár varð úrslitið kunngjørt eftir at alheimssamfelagið hevði lagt trýst á valráðið í Simbabvi, og har var greitt at Mnangagwa skuldi sita víðari sum forseti, tí hann hevði fingið 50,8 prosent av atkvøðunum, ímeðan stóra andstøðuvalevnði einans fekk 44.3 prosent av atkvøðunum. Annars er vallógin í Simabvi sett soleiðis saman, at endurval skal vera, um eitt valevni ikki hevur vunnið meira enn helmingin av atkvøðunum, men hetta eyðnaðist akkurát hjá forsetanum. 

Í dag hevur Chamisa tó skrivað á Twitter, at hann ikki góðtekur valúrslitið. Hann sigur at tað er falskt og at val-agenturin hjá hansara flokki ikki slapp at vera við, tá úrslitið varð avdúkað. 

Tað hevur verið ófriður í Harare, sum er høvuðsstaðurin í Simbabvi, síðani valið. Herðurin hevur skotið eftir andstøðustuðlum, sum ikki vildu góðtaka boðini um, at Mnangagwa helst hevði vunnið valið. 

The ZEC scandal of releasing unverified fake results is regrettable.ZEC denied our election agent access to results be4 announcement.ZEC must release proper & verified results endorsed by parties.The level of opaqueness, truth deficiency, moral decay & values deficit is baffling.

— Nelson Chamisa (@nelsonchamisa) 3. august 2018