Amerikanskt HC-130J flogfar til Føroya í dag

Í dag kemur eitt amerikanskt HC-130J-flogfar í Vágar, og í hesum sambandi hevur flogfarið fingið loyvi at flúgva lágt yvir Føroyum seinnapartin, boðar Uttanríkis- og vinnumálaráðið frá.

Talan er um eitt flogfar hjá New York National Guard, sum er serútgjørt til leiting og bjarging.

Flogfarið stendur í Vágum um vikuskiftið og fer avstað aftur sunnudagin.